| |
G0NUE > ESPERA 24.11.95 11:05l 53 Lines 2073 Bytes #999 (0) @ WW
BID : 44198_GB7GBY
Read: GUEST DK3EL
Subj: ESPERANTO. Konsiloj
Path: DB0AAB<DB0KCP<OE9XPI<DB0CZ<DB0GE<LX0PAC<ON7RC<ON1KGX<ON1KEZ<F6KIF<
F5KGR<F5SEM<F8KAE<F5KAR<GB7SXE<GB7ICE<GB7WIG<GB7DUG<GB7HSN<GB7DAA<
LWBBBS<GB7LWB<GB7COV<GB7AYI<GB7BAD<GB7DBY<GB7FLG<GB7SYP<GB7WRG<GB7CYM<
GB7EYM<GB7HUL<GB7GBY
Sent: 951122/1820Z @:GB7GBY.#15.GBR.EU #:44198 [Grimsby] FBB5.15c $:44198_GB7GB
From: G0NUE@GB7GBY.#15.GBR.EU
To : ESPERA@WW
El Esperanto Eko (Autuno 1995)
KONSILOJ AL KOMENCANTOJ
de Gwenda Sutton
CHIUTAGE LAUTLEGU PAGHON DE ESPERANTA LIBRO AU GAZETO. Kiam oni lautlegas
oni devas pensi pri la prononcado kaj ne nur legas por eltrovi la signifon de
la frazoj. Due kaj egale utile oni alkutimighas al la sono de sia vocho
parolanta en Esperanto.
CHIAM KUNPORTU AU VORTARON AU LERNOLIBRON, do se vi devas atendi ion au iun
ie, vi povas utiligi la tempon.
UZU ESPERANTON EN VIA TAGLIBRO kaj tiel vi eltrovos kiujn vortojn vi bezonas
por skribi au paroli en Esperanto pri viaj interesoj kaj chiutaga vivo.
UMADO. Se vi ne scias vorton ofte vi povas rearanghi la frazon por eviti la
vorton au vi povas nomi objekton, kies nomo vi ne scias "umo". Ankau en
konversacio kelkfoje oni povas uzi "umon" por ne perdi fluecon. Ne uzi tiun
tro ofte - certe ne dufoje en la sama frazo. Se iu demandas kio estas "umo"
vi povas klarigi ke ghi anstatauas vorton kiun vi forgesis au ne scias.
CHE TRAFIKAJ SEMAFOROJ, DEKLAMU AL VI MEM la tagojn, la monatojn kaj sezonojn
au faru aritmetikon esperante anstatau malpaciena atendado de la shangho che
trafikaj semaforoj.
AUSKULTU ESPERANTAJN KASEDOJN kiam vi veturas.
ACHETU LIBROJN AU ABONU GAZETOJN. Helpas vin kaj helpas la movadon.
AKIRU KORESPONDANTOJN kaj respondu sen prokrasto. Pli bone bildkarto kun
malmultaj vortoj ol longa silento.
AUSKULTU ESPERANTAJN RADIO-ELSENDOJN kaj se la parolo estas tro rapida
registru ghin per sondenda kasedo por ke vi povu auskulti ghin plurfoje kaj
se necese konsulti vortaron.
PORTU ESPERANTAN INSIGNON kaj nepre parolu al iu kiu portas esperantan
simbolon. De tempo al tempo vi havos interesan kontakton.
NE ESTU ETERNA KOMENCANTO. Ne plu diru "mi estas komencanto".
PENSU POZITIVE. DIRU "MI ESTAS PROGRESANTO" KAJ VI PROGRESOS.
Memoru, instruisto nur instruas. Vi mem devas lerni la lingvon per ekzercado
de ghi.
=========
73 de Paul. G0NUE @ GB7GBY.#15.GBR.EU
Read previous mail | Read next mail
| |
